由麥玲玲主持的TVB Plus清談節目《玲玲友情報》日前請來支嚳儀（Venus）任嘉賓，當晚一集主題為「唱得女強人」，支嚳儀大談自2022年參加《中年好聲音》出道，近日卻受到「金手指」等不利傳聞。支嚳儀以往經常與曹敏寶以孖公仔姿態拍節目，但自曹敏寶早前被傳與人夫梁浩銓傳緋聞後即未安排工作，而支嚳儀則親自回應與曹敏寶關係。
38歲支嚳儀參加《中年好聲音》第一季7強止步，同期學員包括周吉佩、龍婷、吳大強及曹敏寶等。近日被指為爆料者，令龍婷及曹敏寶緋聞曝光，支嚳儀非常困擾。節目中麥玲玲毫不客氣單刀直入刺中支嚳儀痛處，笑問︰「睇報道話《中年1》人際關係好複雜、多是非喎，你又要求換拍檔，搶人哋（曹敏寶）拍檔。」面對麥玲玲師傅「質問」，支嚳儀終於忍不住要爆：「唔好玩啦。其實我真係覺得咩人諗咩嘢，嗱清白就係我嘅底氣，我絕對冇做過，同埋呢啲報道一出咗嚟之後呢，係當時啲工作人員全部都同我打氣，佢哋話有時娛樂圈係咁，你會俾人哋老屈，但係當下我個係咪腎上腺……好嬲好嬲」。
支嚳儀又否認與曹敏寶換拍檔，麥玲玲隨即接連追問︰「咁你同曹敏寶係乜嘢關係？」支嚳儀想一想說︰「咪同事關係，全部都係同事呀，你哋都係我同事，呢度所有人都係我同事。」麥玲玲隨即退後哈哈大笑，再問：「有冇聯絡啫即係？平時大家感情係點？」支嚳儀回覆指大家有個26人的WhatsApp群組，自己算是活躍分子，會不停分享自己的工作，並會為其他戰友打氣。支嚳儀大嘆娛樂圈很複雜，沒想過會被誣衊，加上本身有生意和家庭，加入娛樂圈的初心只是為興趣，讓自己老了有回憶。
