張寶兒與袁偉豪結婚即將四年，去年11月誕下囝囝「袁咕碌」，一家三口經常晒幸福。袁偉豪與張寶兒昨晚（23日）在社交網晒出全家福，袁偉豪抱住兒子半裸晒出肌肉，張寶兒雖然穿上西裝外套，但內裡的春光同樣吸睛。
43歲的袁偉豪早前曾被網民指在劇集《反黑英雄》中，出現「斷崖式衰老」，相對誕B後的張寶兒更加疲憊，不再是全盛靚仔時期。袁偉豪和張寶兒早前已帶囝囝到酒店影過一輯全家福，昨晚一家三口再次公開新相，袁偉豪在IG貼出抱住兒子Man爆晒肌，袁咕碌亦學爸爸脫去衣服，而且是全裸上陣，萌爆的袁咕碌肉感十足，相當可愛。
雖然袁偉豪兩父子晒身材，卻不及媽媽張寶兒，因張寶兒只穿上內衣，外面披住一件西裝褸，若隱若現下，谷出好身材，看起來更見火辣。張寶兒在IG留言：「話咗要serious face，爹地媽咪講得出，袁咕碌做得到 #familygoal #最謹守要求的 #袁咕碌 #家庭照」。
