單立文（豹哥）近年在TVB處境劇《愛．回家之開心速遞》角色入屋，其妻胡蓓蔚（豹嫂）亦有不少工作，除主持節目、拍劇、更鋪路重返樂壇。52歲的胡蓓蔚最近成為TVB Plus節目《我推的野男Live！》主持，節目於今晚（12日）起逢星期一，二播出，胡蓓蔚今日在IG晒出與眾參賽者的合照，她的反應引起不少網民羨慕。
今日與22位參加者為節目進行綵排，曾笑指自己見識多，但綵排時已也睇到嘩嘩聲。沒料到胡蓓蔚在IG出PO時，露出真實反應。在逾20位脫去上衣、大晒肌肉的參加者包圍下，胡蓓蔚一度失控坐在地上，更雙手掩面看起來極怕醜，而一眾參加者包圍兼看住在地上的胡蓓蔚，一臉食花生樣，場面有趣。
袁偉豪取笑好Happy
自認見多識廣的胡蓓蔚在IG留言：「俾咁多肌肉包圍住嘅感覺係點？我嘅表情應該答到你」，好友袁偉豪取笑胡蓓蔚：「你好happy」，而「胡說八道會」閨密之一的姚子羚，最初祝胡蓓蔚：「Good show babe」，之後再留言：「佢哋『胸』你呀」，胡蓓蔚即要求姚子羚幫手：「係呀！你快啲幫我壯膽啦」，而姚子羚直指：「佢哋唔係一般嘅級數喎」，二人互動有趣，而老公單立文未有表態。
