26歲「TVB咪神」黃婧靈（波波），擁傲人的逼爆身材，加上在節目《冇人性教育》、《後生仔傾吓偈》中行為出位、又大膽談性事，成為新一代「性女」。近日波波黃靖靈發生「樓梯碌咗落去」意外，未知是否因上圍負荷太重失平衡所致，她笑指「終於明白點解自己叫波波」。
昨日（9日）在IG出post，她寫道：「喺條樓梯到碌咗落去，令我終於明白點解自己叫波波，喺條樓梯度爬返起身之後就搞咗隻Ironman腳返嚟，今次之後應承自己以後都唔做大蕃薯，原來腳係咁重要。」她又表示多謝大家的「早日康復」祝福，她每日都用意志力加速康復，「就算依家受咗傷都唔可以放棄，該做的還是要做，又係訓練毅力嘅時候，最後多謝每位扶過我嘅你。」
