現年28歲的陳若思（Amber）自去年出演《新聞女王》徐曉欣一角後大受好評，雖然在劇中戲份唔多，但係在劇中演技爆發的她人氣亦隨之急升。除咗演技外，其實陳若思的身材亦相當出眾！日前（8日）Amber就趁住炎夏帶埋屋企人去水上樂園玩，心情大靚嘅佢仲大方派泳裝福利，引來唔少網民激讚！
陳若思日前帶住屋企人去水上樂園玩水消暑，仲連環晒出多個限時動態。相中陳若思以白色開窿比堅尼上陣，大騷澎湃上圍！隨後陳若思仲分享咗一段坐喺水泡上玩漂流的短片，片中佢以同樣的比堅尼出鏡，而影片仲跟住水流左右狂搖，多角度動感狂騷傲人的身材！
陳若思仲上載咗多張比堅尼福利照，大方分享最近的日常，更開心表示自己「終於都約到Stephen sir考A牌」。而陳若思的福利照亦吸引唔少網民留言激讚：「人細細你真係好身材」「身材好人也美」「身材會不會太fit！」「魚仔都比妳吸引到！要吻妳幾吻」「果然係港女野人代表！」
文章版權為新傳媒集團所擁有，原文請按： 网页链接
