朱智賢2013年報名參加港姐，卻只獲得「最具健康美態獎」，未能晉身十強，但獲TVB睇中簽約成為旗下藝人。朱智賢去年離開工作十年的TVB，之後活耀於社交網，原來離巢前已鋪路，在香港大學專業進修學院修讀營養學高等證書課程。
昨日（15日）朱智賢在IG撰長文，並晒出多張上月慶祝38歲生日的照片，當中不乏輕晒「事業線」的靚相，不過朱智賢表示已經取消晒所有慶祝活動，原來是因屋企發生一些事。朱智賢留言：「今年生日過得很幸福，感受到滿瀉的愛，好耐都無試過咁多人同我慶祝生日，真心好多謝大家都咁錫我咁有我心，令我覺得自己係值得被愛錫的。」
今年認識不少新朋友的朱智賢續道：「唔知點解今年特別受寵，認識咗好多新朋友，有啲只係見過一次面也很喜歡我，所以我會繼續做最真的自己hahahahahahaha。幸福不是必然，所以我會好珍惜大家，來年希望大家繼續寵幸我。」
離巢大半年，朱智賢表示：「啱啱過去呢一年作出了很多新嘗試同改變，發覺原來改變也是一個很不錯的選擇，（雖然每次做選擇都會好糾結），繼續『相信就會發生』的信念。」朱智賢之後在IG限時動態出PO，透露在2021年1月已取得香港大學專業進修學院修讀營養學課程，並已取得高等證書：「三年前COVID嘅時候冇嘢做，其實我走咗去讀書，唔執屋都唔記得咗lol」。
