視帝馬國明去年12月迎娶湯洛雯…

視帝馬國明去年12月迎娶湯洛雯，2人在泰國蘇梅島辦婚宴，令人羨慕。2人近日趁有空，又飛去印尼峇里島出席朋友婚禮，順便「再度蜜月」，馬國明即在社交網撒狗糧放閃，只見2人穿上粉藍色西裝褸，配以一望無際的海洋，大放粉藍色浪漫泡泡，他又留言：「Bali with 老婆……🥰🥰🥰！」難怪好友陳山聰都畀Like，有網民留言笑言馬國明因為識得錫老婆，所以愈來愈靚仔，各位巴打想靚仔，識做啦！而靚湯亦在社交網晒穿水着，在無邊際泳池浸水相，不過只得背面，網民紛紛跪求她Post正面相派福利。