37歲的前女團Super Girls隊長趙慧珊（Aka），憑天使面孔和魔鬼身材，加上保養得宜，其社交平台獲22.6萬粉絲追蹤。曾與吳業坤有過一段情的趙慧珊，近年罕談感情事，不過一副戰鬥格的她，近日現身活動時力谷上圍，一條深長「事業線」吸引網民注意。
Aka趙慧珊前日在IG上載一條新片，是她出席活動時拍攝，最吸睛之處，是她所穿的黑色晚裝以開胸設計，谷出好身材。不少網民睇片後留言大讚：「中門大開」、「好高貴」、「Aka點解可以咁靚㗎」、「你嘅晚裝好靚！」、「好靚！不過你太瘦了」、「鼻血不自覺地流着」等。
Aka趙慧珊於2013年與當時未爆紅、細三年的吳業坤發展地下情，可惜「姊弟戀」維持半年便玩完，當年曾有傳Aka趙慧珊嫌男方無財無勢，而吳業坤被問到是否分手時直言：「冇錢冇得玩。」又稱自己並非被甩：「唔係飛，只係冇錢冇得選擇發展。」不過Aka趙慧珊在去年ViuTV戀愛真人騷《35+LOVE》節目，與素人約會時透露拍過六次拖，又自爆放不低前度：「我覺得我一直未放得低之前嗰段關係，可能有一份執着喺入面。」引起網民揣測。
