現年40歲的容羨媛曾任職港台DJ，2008年加入TVB，四年後加入《東張西望》，主持至今已經12年。日前容羨媛採訪「垃圾屋」情況，被婆婆寸爆「問得好幼稚」；近日容羨媛再被網民翻出，她日前採訪《神耆小子》演員期間，竟然直呼鄭則仕「固執廢老」。
日前報道一則「垃圾屋」個案，婆婆屋主現身指附近鄰居發出噪音，令她「有家歸不得」，容羨媛問婆婆：「如果解決到噪音問題，你可唔可唔以搬返屋企。」婆婆寸爆回應：「如果可以嘅話就可以啦！係唔係啊？我覺得你都問得……我唔敢得罪啊，好幼稚！問得好幼稚！」引起網民一陣熱議。
最近又有網民翻出上月底容羨媛在《東張西望》訪問《神耆小子》演員期間，竟直接稱呼鄭則仕做「固執廢老」。當時原本正是羅毓儀與冼靖峰正在受訪，當羅毓儀答完哈哈大笑時，容羨媛直接拍鄭則仕肩膀，然後將咪牌遞向鄭則仕問：「固執廢老，你估唔估到孫女會咁㗎？」當時全場都紛紛望向鄭則士，身後的羅毓儀與冼靖峰則顯得面有難色。而主角鄭則仕亦目無表情，沉默一秒後說：「邊個係固執廢老？」場面一度引起尷尬，容羨媛隨即大笑。
東張西望丨鄭則士寸爆容羨媛
樊奕敏隨則幫手打圓場：「我哋都好沉默，聽到呢個稱呼大家都唔敢講嘢。」蕭正楠即望向鄭則仕說：「應該……唔係我。」樊奕敏亦說：「應該都唔係我。」蕭正楠與樊奕敏繼續望向鄭則仕一唱一和：「支咪就指住你。」鄭則仕恢復笑容說：「支咪導航收錯料啊。」隨後再繼續回答容羨媛有關劇情的問題，鄭則仕寸爆說：「我真係唔知喎，你講嗰啲我咪拍過嘅？」樊奕敏再度打圓場：「我哋唔可以劇透㗎。」訪問之後亦繼續進行。
其實容羨媛過往受訪已多次失言受爭議，又不時被指以高聲量說話，感覺誇張。採訪《下流上車族》演員時，容羨媛站在林敏驄身後不斷「喂嘩鬼叫」，導致林敏驄要多度掩耳，容羨媛見狀卻反問：「係咪聾喇？」令林敏驄一度尷尬。容羨媛訪問《新聞女王》何依婷時，先指何依婷角色十分慘，再問對方：「你係唔係即係妹仔命啊？」遭網民轟問題沒有水準。
容羨媛不只訪問演員出事，廠景主持亦一樣曾經失言，容羨媛去年報道有關「香港為全球生育率最低的地方」消息時，竟問李旻芳老公黃耀英為何結婚已久也沒生B，直問柏檔是否有問題，當黃耀英解釋時，容羨媛再截停說：「你冇正面回應係唔係有問題喎！」更叫對方做身體檢查，氣氛非常尷尬。
