劉穎鏇（Tiffany）與何泳芍（Honey）以奧運之星身份今日（8日）出席商場舉行的「全城迎奧運」頭炮活動，兩人將主持奧運節目，問她們是否已背熟相關資料？Tiffany坦言未：「因為仲未收到本天書，我聽講本書有3寸咁厚，我都唔知點算！」Honey稱會努力背書，並承諾會幫助中文不好的Tiffany：「我知道啲運動項目嘅規則都幾複雜，同主持運動節目唔同，所以都幾頭痛。」
Tiffany表示上次記者會見到有多位前輩及專業評述員在場，即時安心不少，她笑言：「專業嘅嘢都係交番比專業人士好啲。（擔唔擔心講錯嘢畀人鬧？）希望唔會，希望OK啦！相信前輩們會錫住我哋。我諗住錄影前拉埋班前輩一邊，問佢哋好多相關資料，攞定貼士先。」Honey指會多了解運動員，自己不擔心被觀眾取笑，但不想講錯運動員的資料，因為他們千辛萬苦才上到奧運這個舞台。
