有「索爆人妻」之稱的31歲陳詩欣（Eunice）2017年由模界轉戰TVB，曾主持《姊妹淘》及《流行都市》等綜藝節目及劇集，於2021年嫁有米老公陳爾正（Joshua），過闊太生活。陳詩欣近日因為屋企裝修而執屋，竟然翻出一家人的舊相，陳詩欣公開童年照外，又曝光爸爸年輕時期的照片，竟然與多位男星相似。
有「索爆人妻」之稱的31歲陳詩欣（Eunice）2017年由模界轉戰TVB，曾主持《姊妹淘》及《流行都市》等綜藝節目及劇集，於2021年嫁有米老公陳爾正（Joshua），過闊太生活。陳詩欣近日因為屋企裝修而執屋，竟然翻出一家人的舊相，陳詩欣公開童年照外，又曝光爸爸年輕時期的照片，竟然與多位男星相似。
陳詩欣在IG的限時動態上載照片，是其童年生活照，陳詩欣在家中穿上靚靚裙，攬住半個人身高的巨型公仔笑得燦爛，陳詩欣留言：「細個就係咁百厭，俾阿媽無數次逼練琴，然後趁佢入廚房就繼續玩，就嚟考試先讀書，仲要一邊溫書一邊掛住同啲同學傾電話，我阿媽仲成日拎起出邊廳個電話偷聽我講乜嘢，一聽到佢疑似拎起電話即刻唔出聲，我阿媽成日睇我IG我都係唔好講咁多！」
之後陳詩欣再出PO，今次輪到陳爸爸出場，陳詩欣表示：「屋企快要裝修，搵返我阿爸後生啲相，真係好靚仔，我覺得我爸爸一家係全世界最靚仔」，照片中的陳爸爸年輕時眼大大，竟然與天王劉德華有幾分相似，但有網民認為除了撞樣劉德華：「有啲似鄭少秋」、「你爸爸好似許冠傑」、「爸爸型過MC」、「你爸爸靚仔過好多人」等。
