一年一度的母親節，舉辦的「康乃馨大行動」，邀請了多位歌手藝人如七仙羽師傅，敖嘉年，同近來新聞多多的林作，裕美和媽媽王莉妮等人齊齊出席公開活動。
向來新聞多多的林作，首次帶同女友裕美和媽媽王莉妮出席公開活動，三人更成活動高潮。林作一家三口應邀上台分享如何慶賀母親節，當中，林作與女友裕美即席跪地向林母王莉妮斟茶及獻花。冧爆的林母，大讚杯茶「好甜」。
而林母相當識做，準備了大利是送給林作和未來新抱仔，隨即換來二人錫錫回禮。林作指昔日「婆媳」關係勢成水火，自己過着最爽的日子，但直至她們「破冰」成功，聯成一線，自己心情變得複雜又緊張，形容現在是「家門不幸」。
由於他們是第一次三人過母親節，他已做好準備，說︰「今晚我已book咗枱食飯，仲會埋單。」而林母王莉妮自早前出席麥明詩的婚宴後，笑言也恨飲「新抱茶」，適逢裕美推出新歌，林作先讚女友新歌好過以前的「垃圾歌」，繼而開支票謂︰「如果新歌可以登上頒獎禮就會求婚，冇好成績就會分開。」
已有13年未出過歌的裕美，其音樂團隊為她擇好吉日於5月13日推出新歌〈最佳女友的自我修養〉，內容就是自己跟林作的關係，因為自己，而令林作變得越來越囂張，「佢好難湊，我一直頂咗佢6年。好似佢嗰日飲醉酒，突然打俾我叫我去食飯，結果係佢已經飲醉咗，我冇食，仲要送佢返屋企，跟住要照顧佢成晚。
佢第二日仲問我點解唔瞓？我真係想打佢。」一家三口你一言我一語，舌劍唇槍，十分搞笑。
