由梁家樹（Tommy）總監製的TVB《家族榮耀之繼承者》開播後其中一個討論焦點，是飾演丘守義的羅嘉良（撈家）被指「斷崖式衰老」。
真實年齡61歲的撈家，在《家族榮耀之繼承者》竟然看上去比真實年齡75歲、在劇中飾演其哥哥丘守仁的許紹雄還要蒼老，令網民紛紛好奇「到底發生了甚麼事」。
對此，《家族榮耀之繼承者》總監製梁家樹Tommy受訪時坦言，撈家「衰老」其實是劇組用心打造效果，目的就是令觀眾可洗走對撈家的固有印象，Tommy說：「呢個係我哋特登設計，其實第一集入面，許紹雄嘅角色都講得好清楚，守義呢個細佬因為太過醉心打拼事業，又多嘢煩，所以望落比哥哥仲要老。」
為令撈家看上去比真實年齡更成熟，Tommy及劇組更是花盡心思：「除咗幫佢加咗白頭髮同埋少少紋，仲特登幫撈家設計咗一個成熟又有說服力嘅髮型。呢個髮型由開始打造嗰刻，我就全程望到實一實，要整到啱我心水為止，哈哈。今次網民話撈家老咗好多，就證明個設計成功咗。」
Tommy續指，撈家劇中髮型，是參考某政治人物以增加威嚴感；不過對於參考誰，卻佻皮地大賣關子。
而觀乎撈家前日（5月13日）出席《家族榮耀之繼承者》在北京舉行的宣傳活動照片，確實比角色看上去年輕20歲。
他不但變回皮光肉滑，還重現昔日「小生」味、半點未見老態，足證撈家拍攝時由內而外均相當入戲。
昨晚（14日）播出的《家族榮耀之繼承者》第2集，撈家亦盡展三屆視帝功力。該集劇情講述丘智斌（羅子溢飾）為阻撓皓兒（佘詩曼飾）成為集團代主席，竟想到賄賂爺爺丘瀚洋（劉江飾）的專屬醫生Dr.顧誣衊受皓兒指示為委託書做假見證。
經皓兒及高浚（林峯飾）連番調查，終發現Dr.顧有可疑，可惜就在千鈞一髮之際，Dr.顧遇上嚴重車禍致失憶，令皓兒被調查一事被逼擱置。
另邊廂，守義以機智盤問技巧踢爆智斌是皓兒被屈涉賄事件幕後黑手亦相當精彩，守義責備智斌衝動報警時，技巧地說了一句：「即係你根本冇辦法煮死皓兒」，成功令智斌鬼拍後尾枕講出背後目的。
眼見兒子上釣，守義先是笑著踢爆智斌：「你冇諗過煮死佢？咁即係件事係你安排啦？」雖然全程臉上不缺笑意，但卻相當有壓迫感，嚇到智斌完全不懂反應。
之後，守義再神速遊走於冷笑與激動之間責備智斌，更手指指拋出一句：「你點解咁冇腦架呢？！」最後更警告智斌處理後續時要打醒十二分精神，並甚是嚴肅表示：「如果唔係，你Daddy都幫唔到你」，激動之餘不忘流露慈愛一面，相當好戲。
