「十優港姐」麥明詩（Louisa）同盛勁為（Keith）3月正式完婚，擺足3場嘅「勁甜蜜」婚禮，更係令全港市民印象難忘，而隨着母親節到來，啱啱升呢做人妻嘅Louisa，更以行動證明「嫁出去嘅女，唔一定等於潑出去嘅水」，充滿心思嘅禮物，更氹得麥母相當開心。
Louisa日前喺社交網晒出麥母開心拆禮物嘅片段，並透露原來份禮物係麥母親自挑選：「我媽咪非常勤力，佢要求母親節要休閒又可以返工嘅背囊。」另外貼心嘅Louisa更送上旅行分隔袋及摺疊刀具，並再晒出婚禮相道：「唔係潑出去的水！由BB時期日以繼夜嘅照顧，到小朋友時期嘅學業、品格培育，到青少年的戀愛、感情輔導，到成人時期的事業支持…到最後放手讓孩子飛走，活出自己的人生。媽媽你真的給了我所有。無論如何，我知道媽媽永遠是我的避風塘，我永遠是你的女兒。」認真溫馨感人呀！
