無綫（TVB）人氣處境喜劇《愛·回家之開心速遞》常有角色替換，繼「熊心如」蘇韻姿宣布離巢後，「細龍生」鄭世豪再傳出因價錢問我拒續約，如消息屬實，「細龍情侶」相信會完全絕跡《愛·回家》。 而「細龍太」陳思圻（前名陳偉琪）自離巢後亦工作不斷，近日現身酒樓性感跳舞，依然有人氣。
近日陳思圻現身酒樓，為公司週年慶表演。她穿上閃片緊身短裙，心口大開，盡騷靚腿好身材。陳思圻穿梭在人群中，又跳又唱，相當落力，十分享受眾人注視及鏡頭；現場氣氛亦非常熱絡。
陳思圻曾自爆在TVB飽受委屈，曾自言離開TVB想有個新開始。她曾受訪表示，拍《愛．回家》期間很多人想「教你做嘢」，似乎為了踩低人抬高自己，更公開講粗口「X交叉」出言侮辱，之後連導演亦鬧埋一份，一到細龍太戲份便疑惡意針對，頻頻嗌「Cut」。陳思圻離巢後過檔HOYTV與同為前TVB藝人的張明偉主持水着節目，並不時出席公開活動，上月與《愛·回家》前同事杜大偉現身馬場拉頭馬，至今仍活躍演藝圈。
