藝人關楚耀於九龍灣有份投資的Pickleball（匹克球）球館開張，陳庭欣、林燕玲等到場支持兼打波。關楚耀指其實半年前才開始接觸Pickleball，但一打就「入坑」，更做埋老闆開設場館，他說：「Pickleball男女都啱打，最surprise係太太都鍾意咗打波，可以一齊做運動，自己年紀大都要做多啲運動出身汗，嚟緊拍《風華背後》都要操弗下。」
陳庭欣只是打了Pickleball兩個月就入坑，男友也有一齊打波，但他較喜歡打羽毛球。問到可有興趣投資開球館做老闆﹖她說：「有興趣呀，因為香港好難book場。」講到藝人黃潤成最近在社交網指女友「陳大小姐」在TVB狂「收兵」，有網民誤會所指的「陳大小姐」是陳庭欣，相當無辜，陳庭欣表示：「返公司都有問過，知道唔係講我就得，冇辦法，咁我又係姓陳，所以諗係我都唔出奇。」
