藝人陳豪、張曦雯（Kelly）、劉佩玥、譚凱琪、游嘉欣等，今日（4日）為無綫劇集《俠醫》在港島區進行電車巡遊宣傳，沿途受到觀眾歡迎，他們抵達銅鑼灣鬧市後進行按摩遊戲，陳豪為Kelly按腳重演劇一幕，劉佩玥則被馬貫東按穴位按到咿嘩鬼叫，相當搞笑。
陳豪透露劇集首播有好開始，取得21.4點收視，暫時是今年劇集首播最高收視。講到在鬧市為Kelly按摩，他指也是首次在街頭為女仔按摩，但平日也有為老婆陳茵媺按摩為太太消除打理屋企的壓力，幫助太太放鬆。Kelly在街頭除鞋顯得有點尷尬？她笑言己習慣，與陳豪有默契，又覺得愈按愈健康醒神。講到扮演中醫的陳豪在劇中卻有不少動作戲是否意料之外，他說：「動作唔係主打，只係點綴，因為中醫戲係難拍嘅，需要一啲創意、衝擊。」面扮演中醫的他，身為中醫師的陳豪媽媽可覺得合格？他說：「Ok嘅，有中醫Feel嘅，仲加埋拳腳呢。」
劉佩玥在電車上宣傳與路上觀眾打招呼，中氣十足，但原來身體卻抱恙，她說：「之前病咗以為好番，但係今日出嚟宣傳，一上陣就要落足心機，因為套劇係全部人嘅心血，頭先腎上腺素上升，依家已經冇晒電。」劇中扮演奸角心機女的她相當乞人憎，外出可有被罵？她笑言：「唔使出街，父母睇劇嗰陣望一望我，點解會咁㗎，好衰格囉。」但她認做得反派就會豁出去，不會擔心惹人反感，情願被父母藐爆，又預告角色發展將會更加衰格，連自己也覺得賤格。
