《2025香港小姐競選》於今晚（31/8）舉行，冠軍由9號陳詠詩奪得，亞軍為7號施宇琪，季軍為13號袁文靜，1號李尹嫣則獲「友誼小姐」和「最上鏡小姐」。
《2025香港小姐競選》冠軍陳詠詩接受訪問時，表示心情激動：「得獎感受係，佢喺台上面叫我個名嘅時候，個腦突然之間空白，但係真係好感動好開心。」有記者表示她在台上發抖「不停震」，她說：「係咩？可能我裡面震，但係唔知出面都震。」她坦言，問答環節時，其實心情十分緊張：「雖然緊張，但係盡量自然自信一面。」
她透露，自己着重於表現自己而不是在得到獎項上，問到即是參選不為得獎？陳詠詩回答：「咁參選都係為咗后冠嘅，反而係心態，我唔想諗（咁多），令自己表現冇咁好。」她亦透露，以前藉由體操而表演，可是早前卻漸漸遠離了，參選其中一個原因，也是想藉參選而入行：「退役之後反而冇咗，讀書做嘢嘅時候一路都好掛住表演嘅經驗，令到我嚟參選香港小姐睇吓呢一樣（幕前工作）啱唔啱。」
