女神李佳芯（Ali）與藝人黎諾懿連月留守馬來西亞拍攝新劇《義和》，昨日兩人孖住在當地出席活動，甫上台即跟現場粉絲揮手打招呼，大受歡迎，劇集拍攝得如火如荼，黎諾懿表示在正常情況下，會於9月1日前完工。被問到在當地拍攝有何特別感受？Ali說：「去咗好多唔同嘅地方，拍旅遊時都唔會去過，係另一面嘅馬來西亞。」而黎諾懿則表示演「漁村大佬」：「全部都去啲比較偏僻少少嘅地方拍，Ali舒服啲，全部都係靚地方有冷氣有商場。」
Ali解釋因為自己的角色負責管數及管理，跟黎諾懿的職責不同，而打戲就交給對方。黎諾懿表示整個劇組都曬到好黑，被問到在當地拍劇最大挑戰是否天氣及要忍口控制食量？Ali說：「對我嚟講應該係要忍口，佢哋成日話我嘅食量好驚人，但因為呢度濃味嘢比較多，有時忍唔到口會容易爆粒粒，皮膚會比較容易敏感，同埋太多好嘢食，有時開工開到好辛苦，好想去食啲好好食嘅嘢，但係又要擔心聽日好早又唔敢食太多。」
