前港姐冠軍馮盈盈今日（15日）現身電視城，以師姐身份跟「2025香港小姐競選」14位佳麗分享比賽心得，盈盈開心表示分享包羅萬有，因今個月底已經決賽，時間不多，大家也爭相問她應如何備戰：「例如好多都問我要著泳衣，食啲乜先唔會肚凸凸，但又要有Energy去做個騷？我做為過來人好有經驗。」問到有哪位是問題少女？她笑指（4）莫凡很主動積極發問：「問點樣保暖，大家都知電視城冷氣勁，加上著晚裝、泳衣更加清涼，點樣唔好凍親係一個技巧。」她分享當年參選經驗，表示決賽當晚流程緊湊，佳麗們全晚也要穿着高跟鞋跑來跑去，笑指熱血沸騰不用擔心會凍，反而要練好穿高跟鞋行快步，又教路綵排時要緊張落力，到決賽當晚就要調整心態，盡情放鬆將學到的盡情發揮。
問到莫凡廣東話不好會否較輸蝕？盈盈表示交流時覺得對方廣東話講得不錯，透露佳麗們也有請教如何解決廣東話講得不好的問題，她説：「都有份享其實廣東話講得正唔正唔係最重要，最緊要畀觀眾睇到你有努力嘗試去講，可能去到關鍵字唔識，就用返你自己最自然嘅母語例如英文或普通話。」問到有沒有心水佳麗？她表示看好佳麗中最好學歷、博士生（9）陳詠詩，透露自己早前也曾考慮攻讀博士：「好認真搵咗老師，準備好自己研究題目，但讀博士真係要好多時間、精力，惟有遲啲先，陳詠詩咁有毅力讀博士我好欣賞。」
盈盈表示近來忙於為《剪裁魔法師》第2季拍攝，另邊廂亦有繼續跟謝東閔學唱歌提升自己，談到她早前出席高層樂易玲生日會時被拍得身形漲了不少，但今日卻極速顯瘦，她笑指出席慶祝活動難免開心吃多了，最緊要之後吃清淡及做運動，問她會否再甫泳照跟大家分享瘦身成果？她説：「8月31日香港小姐決賽，我會揀一條靚嘅華麗晚禮服，係好睇過泳衣！（預告性感？）係預告華麗，哈哈！」
（9）陳詠詩、（4）莫凡及（1）李尹嫣齊齊受訪。談到被師姐讚賞，陳詠詩表示感謝，她說：「師姐都好好，好真誠好開放咁分享心得，所有據悉嘅嘢都分享，學咗好多嘢，都有提點我哋決賽嗰晚好緊湊，要有心理準備。」她透露有跟對方請教面對評判時的對答技巧。提到盈盈稱莫凡是問題少女，莫凡笑言也是希望替大家問多點決賽當晚細節問題，笑問她是否很怕凍？她笑謂：「唔係，我驚自己著泳裝太凍會震，不過師姐話嗰晚要跑嚟跑去會好熱。」她坦言機會難得，因此盡量多發問，提到師姐讚她廣東話講得好，她坦言有下了點功夫，亦發現了自己在不緊張狀態下會講得很好，所以要想辦法在決賽當晚令自己不緊張。至於早前以泳裝見記者時被指腿粗的李尹嫣，在本週「網絡人氣最強Top 5」下跌了一位，她認為兩姐應該沒有關係，她説：「14位佳麗，每個人都好有熱度，榜會郁嚟郁去好正常。（媽咪有冇幫手催谷？）屋企人同朋友都好支持我，有幫我轉發叫大家多多點讚，有幫到我熱度嘅。」提到她面上長了不少暗瘡，問她近日是否很緊張？她表示自己皮膚向來較差，相信大會化妝師的功力，平日自己也有用功護膚，基因問題沒法改變，惟有好好做好自己。她表示有向師姐請教，如何在忙碌的綵排中分配時間練習才藝，她指對方教路任何空檔也不要放過練習。
