吳若希（Jinny）今日（8/8）現身灣仔會展出席《星光熠熠耀保良》演出項目綵排。對於有份主持的節目《奇情谷》即將於2025年8月19日完結，Jinny接受《香港01》訪問時表達了深深的不捨之情：「其實呢個節目已經添食咗一次，都加咗13集，變咗比我想像中成績係好好多，自己都希望可以繼續添食做落去。」
被問到主持這個節目有什麼得着？Jinny表示：「最大嘅得着就係識咗GM（曾展望），因為眾所周知佢係道士嚟，我話俾你聽佢真係得。因為曾經試過叫佢攞我個銀包，幫我寫道符。佢幫我寫完之後，返到屋企我就多咗幾千蚊，因為我老公打牌贏錢，然後俾咗幾千蚊我，所以呢個係我最大嘅得着。」
