無綫藝人劉佩玥（Moon）於2013年參選港姐，奪得季軍後加入娛樂圈。日前她以師姐身份帶領14位佳麗到馬來西亞拍攝外景，肩負重任，她接受東網訪問時說：「今次我同袁偉豪齊齊擔任訓練官，成個過程好有趣，見到佢哋每位都有唔同性格，互助互愛，好感動，亦回憶番自己選港姐嘅情況，好多感受返番嚟！直頭係回憶殺。」
問到對哪位佳麗印象深刻？她坦言：「我覺得佢哋各有特別性格同可愛嘅地方，喺鏡頭前好靚，但私底下又見到佢哋最真嗰面。我冇偏心任何一個，個個都好有潛力。佢哋叫我做『Moon姐姐』，仲話好細個已經睇我嘅《城寨英雄》，我記得當日自己都係咁樣同啲師姐講，當時啲師姐表情好尷尬，我終於體會到佢哋嘅心情！」她指此行一直肩負「氣氛組組長」的責任，以大師姐身份照顧佳麗的情緒及心理狀態，希望她們在緊張狀態下都可以享受過程。
