李佳芯日前與黎諾懿拍片分享大馬拍劇日常

李佳芯日前與黎諾懿拍片分享大馬拍劇日常。李佳芯又捧又讚尊稱黎諾懿為「黎監製」，透露獲對方貼身照顧，她說：「呢21日最重要係得到黎監製照顧關懷，當我老人家咁樣推我出去曬太陽！」李佳芯拍片期間仍有兩聲咳，但她透露康復進度良好。

李佳芯指，病情最嚴重的時候要到黎諾懿家中「配藥」，她笑言：「佢屋企變咗藥房咁，我咳得最勁嗰段時間，因為冇辦法一定要食藥，咁去佢嗰度敲門話：『唔該我要配藥啦，醫生。』咁坐咗喺度排隊配藥啦！」黎諾懿又稱許多人致電他關心李佳芯，他憶述：「好多人成日打嚟問我佢係咪好唔舒服，我話唔使擔心，好返啦！」李佳芯去年離巢TVB結束12年賓主關係，一度傳出三間公司向其招手，開出7位數加盟費，外加6位數包薪吸引，最後李佳芯決定自組「李佳芯工作室」。李佳芯離巢前獲安排夥拍視帝譚俊彥拍攝新劇《麻雀樂團》，本月終於播出。李佳芯缺席近日宣傳活動，似乎決心與TVB劃清界線。