「2025香港小姐」14位佳麗今日（31日）齊集機場出發前往馬來西亞拍攝外景，於首兩輪面試均以旗袍上陣，令人印象深刻的陳曉藍，雖然最終落選但亦被發現現身機場。她受訪時表示是陪表姐帶表姨甥仔到台灣預備開學，但來機場車程中卻不幸遇上冧樹延誤了45分鐘，最終趕到櫃位時被職員告知遲了7分鐘未能辦理手續，要另行購買機票出發。
談到未能入圍，藍藍坦言知道結果後很不開心，雖然滿意自己表現，但估計未必是評審要求的標準，笑指應該與衣着打扮無關：「本身佢哋整頭嗰日話有2位冇嚟，仲諗緊係咪有機會，後來知道唔係自己終於死心。」於大學讀設計的她今年畢業，但笑言當初有很大信心入圍甚至獲獎，故未敢安排升學計劃：「唔想安排太多嘢喺後面塞住自己，依家落選，過好個暑假先再打算，哈哈！」她表示看好（7）施宇琪，覺得對方談吐得體又身材好，各方面也很優秀。
