「視后」李佳芯（Ali）在無綫劇集《麻雀樂團》中一直暗戀「視帝」譚俊彥(Shaun），近日劇中講到Ali由學生時代已經鍾情他，為戲份兩人要要齊齊戴上假髮，逆齡15年扮演學生妹及後生哥，相當有情懷。Ali戴上眼鏡的「林亞珍」Look，假髮又厚又娘，加上一副標誌性的薯嘜膠框眼鏡，令Ali瞬間傻氣大增，相當神似林亞珍。Shaun受訪透露Ali為了演活入世未深的薯嘜學生妹，兩人齊齊到化妝間搜羅眼鏡，在百多副眼鏡中選出。
而Shaun的「長髮浩南」Look，除了豪氣感外，更喜感十足，他感激團隊精心設計及打造，他說：「監製羅永賢成日教我要相信側邊嘅人，所以我每次造型，都完全相信團隊。」但一向來處事認真的他也細心為角色添加了一隻別具意義的手錶，以增加年代感：「15年前久哥戴嗰隻金錶，其實係我自己公公留畀我嘅遺物，我覺得好啱久哥15年前嗰個年代戴，估唔到戴咗真係年代感出晒嚟。」他又透露為配合劇情，之後會有更多私伙出場，好似為Ali影畢業相的菲林相機，相當有心。
此外，Shaun日前到吉隆坡工作外，更為爸爸狄龍在《第8屆馬來西亞國際電影節》中獲頒發「終身成就獎」擔任頒獎嘉賓，神秘現身為爸爸送上驚喜。而今天（30日）45歲生日的他在社交網分享與父母合照，並指這張相，是他今年收到最好的一份生日禮物，覺得人愈大就希望保留更多美好回憶：「我爸爸同我媽媽嘅笑容，係無價嘅，我將會好好珍惜呢一張『全家福』。」
