無綫小生黃庭鋒有份拍攝即將播出的新劇《麻雀樂團》，之前安排了工作的他，今日沒有出席劇集宣傳活動。近排主持活動排得滿滿的他，適逢利物浦與AC米蘭即將在啟德主場館作賽，庭鋒亦被邀擔任昨日記者會主持，本身是球迷的他，見到偶像大感興奮。
庭鋒接受東網訪問時坦言：「其實今日劇集宣傳我都好想去，但利物浦球隊嚟咗香港，有啲job之前排咗冇辦法。」之前獲公司安排到英國拍攝《Grand住去利物浦》的他，都未有機會好似今次一樣，跟利物浦隊長雲迪積克及日本國腳遠藤航作近距離接觸，庭鋒開心謂：「見到佢哋真人，真係好黐線，其實我係嗰一刻先知佢哋會嚟，雖然我好似好鎮定咁，但係我其實仲開心過現場嘅Fans，因為我係超級Fans。」現時外面有不少主持工作的他，不諱言見識多了不少，但庭鋒坦言自己真的很喜歡拍劇，故希望會有更多演戲機會。
