視后李佳芯（Ali）去年離巢無綫，由她夥拍視帝譚俊彥（Shaun）主演的無綫新劇《麻雀樂團》將成為Ali的告別作，劇集定於28日首播。Ali與Shaun在劇中有突破性演出，向來靚女的Ali拋下女神形象，飾演管家婆，並應監製羅永賢要求剪短髮，以瀟灑率性造型亮相之餘，還會經常以三寸不爛之舌跟Shaun鬥嘴，火花十足！
至於近年走開溫文暖男或專業路線的Shaun飾演賴皮麻甩中年人，既粗魯、為人囉嗦又專制，而劇中講述郭柏妍是他的親生女，但他卻不敢跟對方相認，因Shaun對郭柏妍過份關注及關懷，結果一度被誤以為是變態中年阿叔，引發連串笑話。
劇集以「碰出歡笑聲，食出人情味」作為重點宣傳口號，監製受訪時坦言，希望透過這個作品帶給觀眾久違了純以親情出發的劇集之餘，亦希望劇中大小人物，能帶給觀眾親切感：「希望大家睇呢套劇嘅時候，會覺得入面啲角色，會好似自己身邊成日遇到嘅人。」並坦言「情」其實是很多在無綫長大的製作人創作的根：「其實無論係咩形式嘅劇，最後想帶出嘅都係親情、愛情、兄弟情、友情等等，人同情始終係好重要嘅劇集元素。」
