《2025香港小姐競選》昨日（16/7）於將軍澳電視城舉行記者會，安排14位候選佳麗會晤傳媒。其中入圍9號陳詠詩（Stacey)現年26歲，是一名博士生。她接受《香港01》訪問時表示：「我哋幾日前已經開始受訓，開始慢慢適應，當中學咗好多嘢，而今次係我第一次參選，亦係第一次學行Catwalk，當中仲有好多地方要細執，仍有進步空間。」
對於被網民質疑外貌後天加工，她表示：「其實我完全冇加工過，所以我睇完啲留言之後，就笑吓就算。（有冇唔開心？）咁又冇，佢哋覺得我加工，係咪因為覺得我靚？我唔係好知個定義係咩。但就冇咩嘢，因為我知唔係真。（擔唔擔心被爆黑材料？）我覺得冇乜黑材料，順其自然。（怕唔怕影響選情？）我覺得出嚟選香港小姐，有咁多傳聞，一定有正面，亦會有啲負面，其實最重要係留返俾自己嘅信心，亦唔好俾啲評論令到自己失去份信心。」
