藝人裕美為慶祝本月（7月）11日37歲正日生日，為無家的貓狗舉行一連兩日的「招親」活動覓新主人，現場逼爆逾百愛貓愛狗之人，不停向帶同4隻愛犬及男友林作現身的她送祝福，期間閨蜜「五索」扮巨型狗突擊炮製驚喜，兩人熱情擁抱後即興大跳扭腰舞。
裕美表示其生日願望是為流浪貓狗謀福利外，亦盼事事順利，她說：「今次喺餐廳搞活動，之前開會時，有關方面樣樣都話冇問題，不過呢幾日不停收到投訴話啲貓狗唔可以入餐廳，仲有漁農署人員又嚟過，搞到有啲地方要Block咗，活動範圍要縮細，但又好感恩冇落雨，大家可以盡情玩。」她又說救助小動物是「長久戰」，更遇上不少求助個案，如洪水橋因收地問題，出現不少棄養問題須正視。
至於林作透露送了二萬現金給女友作為生日禮物，裕美大讚男友夠豪，但她會將現金捐出，愛心爆炸的她說：「啲貓狗打針、睇醫生都係有限錢，但食糧、尿片等全部就係無限數，所以啲善款愈多愈好。」
