歌手趙浚承（Gary）憑《中年好聲音3》而彈起，原來愛子亦是唱得之人，更獲製作人點評是可造之材，雖然Gary不欲對方入行，但仍努力搵錢為兒子未來鋪路，讓他有本錢做一個不賺錢的藝術家，不用重蹈自己覆轍，為維生而犧牲音樂夢。
《中年好聲音3》7強選手趙浚承於2008年以男團Square成員身份入行，至今17年，經歷浮浮沉沉，當中曾兩度退出娛樂圈的他，最終憑「中3」翻身再闖樂壇。節目完畢後，Gary已拍了兩個廣告，還做了不少演出及節目錄影，8月將赴內地拍劇，工作鋪得密麻麻。不過，所謂有得必有失，跟太太及6歲兒子在北京定居的Gary，因香港工作繁忙，已跟家人20天沒有見面，比賽時亦犧牲了不少親子時間，但他仍堅持走下去，目的是以身作則成為兒子的驕傲：「我希望小朋友有個令佢值得自豪嘅爸爸。」
講到娛樂圈誘惑多，問到太太對他重返樂壇會否有微言？他坦言：「佢有時都會發吓脾氣、呻兩句，但佢都係偏向支持我入行。（會點向太太派定心丸？）只要有3日假期，無論我前一日幾攰都好，我都會飛返北京陪佢哋。」至於可有計劃全家搬來港居住？他表示視將來的發展而定：「要去到某一個位置，好穩定先，好多嘢都唔係必然，有過以前嘅經歷，好多決定會好謹慎。」
Gary除了幕前工作，自2021年跟唱片公司約滿後，他有感要為小朋友着想而努力搵錢，於是告別幕前，跟友人合資在內地做球場生意，雖然現時演藝工作量增加，但他強調不會放棄生意，因讓他跟家人生活有保障：「我希望小朋友將來選擇多啲，可以從心出發去選擇，唔使為錢而犧牲，哪怕係一個賺唔到錢嘅藝術家。」Gary指兒子有音樂天分，有學鋼琴又是合唱團成員，曾有北京製作人朋友讚兒子是可造之材，然而他卻不太想他入行：「我喺個圈浮沉咁多年，唔想佢經歷呢啲，不過我好尊重佢嘅興趣，等佢大個自己選擇。」
