銀都機構雙南院線旗下影藝戲院，最新影院CineArt MegaBox昨日（10日）舉行開幕典禮，邀請立法會議員霍啟剛先生、香港電影工作者總會發言人田啟文及金牌經理人黃柏高等出席，欣賞開幕電影《超人》（SUPERMAN）IMAX with Laser版本放映！
立法會議員霍啟剛先生於開幕典禮上接受傳媒訪問，呼籲廣大市民趁暑假檔期入場睇戲、消費用膳振興經濟，更透露今日帶同兒子「父子檔」觀賞《超人》：「我好細個已經鍾意睇電影，依家好多小朋友都成日睇手機，所以特登帶埋小朋友出嚟，希望養成入戲院睇戲嘅習慣！」
霍啟剛亦表示看電影作為家庭活動，親子之間都可以享受樂趣：「我都好耐冇睇超人、本身由細睇到大，我嘅小朋友未睇過但係已經好熟，話分到同另一個（超級英雄）系列唔一樣，我以為佢唔知道！」驚訝兒子做足功課。至於談到童年的超人回憶，則笑言童年未與兄弟一同扮超人。
