由張智霖、吳卓羲、張曦雯、高海寧（高Ling）等主演嘅新劇《璀璨之城》，6月喺珠海開鏡，拍攝得之際，東網獨家報道因劇本問題要停工嘅消息，劇集監製陳維冠終就此事親自開腔回應事件。
陳維冠接受娛樂新聞台訪問時表示：「我哋回來是想把劇本精益求精，讓大家能演得更盡一點，我哋成班演員原班人腳7月底就會到澳門和珠海拍攝。依家係延遲咗啲㗎喇，總之今年內一定會完成到。」至於劇集出街日期，他希望今年12月能與大家見面。有消息指張智霖有可能因為檔期問題而要易角，監製就澄清沒這麼回事，更大派定心丸指雖然張智霖檔期確實很滿，不過因為他很喜歡這劇本，所以會很盡力遷就檔期。
對此，高Ling反而唔使香港、珠海兩邊頻撲，因為本身劇集檔期同《新聞女王2》有重疊：「《新聞女王2》拍得如火如荼，我都返咗香港拍《新2》，依家我可以專心完成一個角色先，之後再全情投入《璀璨之城》個角色，我覺得係開心嘅。公司喺劇本方面都想再精益求精、做到最好，作為演員都會好開心，畢竟劇本係劇嘅靈魂。我自己都多咗時間準備，自己都會畀心機做好個角色，希望大家都會支持《新2》同《璀》。」
