陳懿德（德德）今日（16/6）現身將軍澳電視城出席《大師兄Welcome Summer大激戰》記者會。對於早前她被踢爆素顏與羅天宇帶著媽咪同枱食飯。言談間，有指陳母不時催促二人盡快拉埋天窗，獲不少網民送上祝福。
德德接受《香港01》訪問時表示：「其實嗰日嘅大計，佢主要係同我媽咪傾嘅，但我就冇乜點特別傾，因為我嗰排都做緊MC嘅工作，變咗我係咁喺度背稿。同埋我好想講哋好多人都好關注我個樣點解會咁愁，原先我諗住唔化妝，啲人一定會唔認得我，就諗住喬裝，點知都係俾人認得出。（咁你落咗妝羅天宇認唔認得你先？）咁佢緊係認得我啦，我哋同枱食飯。（咁即係代表你上妝落妝分別唔大 ）真係嘅？多謝。（天宇同媽咪好啱傾？）佢哋係好啱傾，有好多共同話題，因為佢哋兩個都係打Golf，變咗佢哋都一齊去打。（關係好密切？）都係㗎，佢哋係好好朋友，比我更加好嘅朋友。（佢係女婿！）嗰啲講啫！（而家未係住啫！）一日唔係，都係未係。（係囉，行咗禮就係！）哈哈，唔係都係係，未係嘅標準任你講。」
