至於入行7年的戴祖儀在劇中亦令人眼前一亮…

至於入行7年的戴祖儀在劇中亦令人眼前一亮，她直言拍劇拍上癮！向來予人開心、樂觀、搞笑感覺的她，在《刑偵12》的Hater角色憂鬱兼憤世嫉俗，她說：「角色完全同我相反，揣摩嗰陣好有挑戰性、好過癮，感恩遇到呢啲角色，好想畀大家見到原來戴祖儀係識演戲，可以挑戰唔同角色。」
劇集出街後，觀眾對她另眼相看，除多謝伯樂總監製鍾澍佳給予意見外，她指每一次與林保怡傾偈也有得着：「我記性好好，記得佢講嘅說話，佢分享好多鍾意嘅演出同音樂，仲話做演員一定要睇多啲戲，睇人哋點做戲、鏡頭係點、細節係點。」她希望挑戰劇中的人格解離角色：「同一套劇飾演唔同人，睇見林保怡一個人入面有9個人格，有好多細節位，而又分得出係邊個，好想未來有機會挑戰！」
除了拍劇，她亦有唱歌及拍綜藝，但現時特別享受做演員：「以前唔明前輩話投入一個角色、諗點發揮係好好玩、好有挑戰性，會上癮，依家終於明白呢個感覺。」她又指一直有創作寫歌，不會放棄歌手身份，會繼續推出新歌。