曾展望(GM)今晚（13/6）現身將軍澳電視城出席《一齊企硬.唔Take嘢》節目錄影。對於被指與葉蒨文已經同居半年，而且經常在荃灣拍拖出沒。曾展望接受《香港01》訪問時表示：「話我哋同居咗半年，我都想，其實冇，而我自己都唔係住荃灣，但就住喺荃灣附近，邊度就唔方便透露。」
被問到雙方是否發展中？曾展望表示：「我梗係希望有得發展啦，自從的起決心，把心一橫，破釜沉舟去參加呢個節目，咁我梗係想啦。但我覺得感情呢樣嘢要順其自然，我唔想俾太大壓力個女仔。（私下有冇約會？）大家私下係有傾偈。（佢對你感覺係點？）暫時都覺得係幾好，大家都係好朋友咁樣去相處，但自己就希望可以再進一步。（擔唔擔心對女好多追求？）唔使驚，因為佢哋不嬲都多，唯有做好自己。」
