現年27歲的郭柏妍（Rosita）在2020年參選港姐奪得季軍後入行，短短幾年已經參演過多部重頭劇，更曾奪得「飛躍進步女藝員」，備受力捧！樣貌甜美、氣質清純的郭柏妍，甚有觀眾緣，但日前她就因急病容貌大變，相當驚嚇！
郭柏妍在IG寫道：「第一次咁嚴重的食物敏感😭 原本我以為食物中毒…依家暫時有大方向估到係咩食物令到敏感，唔夠半個鐘隻眼腫晒，少少睇唔到嘢，氣管突然間收縮，抖唔到氣，流眼水、流鼻水🥶一個過山車晚上，sorry嚇親媽媽了😭🙏🏻而家打咗針，食左藥，冇事。如果大家有check過食物敏感嘅話，歡迎話俾我聽邊一間好，麻煩晒🫶🏻🙌🏻」。
郭柏妍更曬出多張病容照，相中的她雙眼通紅，眼周亦明顯又腫又紅，甚至爆微絲血管，其後更變得嚴重，雙眼腫到未能完全張開，可謂面目全非，十分嚇人。郭柏妍在凌晨急到醫院求診，幸好打針食藥後已有好轉，她亦有向大家報平安。
