32歲的前TVB小花陳詩欣（Eunice）臨盆在即，網民無不羨慕她就算懷孕陀巨肚也可「肥肚不肥身」，依然可以做個靚靚大肚婆，但原來她亦有各位孕婦的煩惱。今日（17/5）陳詩欣就在IG上分享，笑自己「孕傻」相當嚴重，經常丟三落四。
她在帖文中寫道：「最近踏入孕晚期，發現自己孕傻得好緊要，覺得自己愈來愈有趣。每日都有啲新鮮事發生。着咗對拖鞋出門口 落到樓下先發現。做facial之後心口攝住美容院毛巾走。入𨋢之後以為自己撳咗掣，企咗3分鐘先發現。搭的士以為自己call車 唔記得俾錢（好彩司機叫停我，如果唔係就俾人拉）。最經典！就係拎一個女性潔廁紙落妝。」
