無綫處境劇《愛．回家之開心速遞》今日（10號）在荃灣舉行「共迎母親節」活動，劇中30多位演員劉丹、滕麗名、呂慧儀、古佩玲、周嘉洛及譚輝智等出席，眾人在台上大玩遊戲，現場氣氛熱烈。受訪時古佩玲透露雖然媽媽不在港，但自己已經訂好一大紮花，明早就會送到媽媽手上，晚上再與媽媽視訊一起看電視，周嘉洛則指會陪媽媽食飯，幫忙做家務。
問到周嘉洛已很久沒有出現，他表示：「都唔係啊，經常都有行下街。（同邊個行？）工作夥伴又有，不過主要自己行。（冇叫陳瀅陪你？）完全冇，點解咁諗嘅？（之前影到你去佢屋企？）一大堆人去佢屋企玩。（但係話你自出自入？）佢哋係咁講，但事實唔係咁。（咁你有冇單獨去佢屋企？）冇。（有冇發展機會？）暫時係好好朋友。」
