劉丹表示明天母親節雖要開工，但因早放會陪老婆食飯，孫女亦正神神祕祕為嫲嫲準備驚喜，輝智則透露上星期已經與太太、妹妹、外母等一堆母親慶祝，又送花又切蛋糕，孫輩則會畫心意卡，是每年的指定動作。
劉丹更分享道：「其實我後生個陣，好少人過咩節日，後尾啲十零廿年先多人注重呢樣嘢，都好嘅，至低限度每年一次提醒下啲人對媽咪好啲，其實唔應該一年一次應該每日都係母親節。（係咪有孫女之後呢啲節過得特別開心？）緊係啦，之前佢細細個陣過節會畫畫比我哋，但個時啲畫睇到得啖笑，總之有個公仔，最上邊有兩撇鬚就係我，個頭髮長就係嫲嫲，無論佢畫咩都好啦，我哋睇落都覺得靚。」問到孫女會不會向媽媽楊冪講母親節快樂，劉丹則避答：「唔好問呢啲。」
