胡杏兒今日現身澳門出席活動，並首開腔回應老公抱抱事件，指純粹誤會：「其實當晚在場都係好close嘅朋友，有啲係親戚，被人影到嗰兩位女士，我都識咗好多年，當晚佢哋嘅先生都在場。其實佢（老公）攬完個先生，先再攬太太，放出嚟有篩選過，造成咁大誤會。」胡杏兒強調與老公關係不變，她又澄清朋友間沒有內鬼，老公因認識餐廳老闆，故曾檢查閉路電視，「當晚12點幾有個男人單拖上來，自己不斷影，其實佢（老公）都知道俾人影緊，但又無做咩，估唔到被報道，事件發酵到這麼大。」她估計偷拍的男士是狗仔隊。
胡杏兒表示有叮囑老公下次出席場合要小心，但對方覺得行得正企得正，無須擔心太多，而她亦從不擔心丈夫，結婚多年有甚麼事也會知道。胡杏兒早前在香港出席活動時，傳媒到場後才通知不受訪兼不拍照，她今日亦有解釋活動由內地經理人安排，且不知有香港記者在場。
