「不老男神」鄭伊健憑「陳浩南」一角深入民心，相比起其他藝人頻頻現身內地拍真人騷，他卻一直未見蹤影。近日他的經理人林珊珊接受文雋節目訪問，經理人透露早年曾説服伊健與陳小春到內地拍攝冒險綜藝：「上山下海搞到好辛苦，結果大家都唔開心。」
提到伊健鮮少亮相內地節目，她解釋道：「第一，我哋喺內地發展係早過好多好多藝人。第二，大灣區個Case，因為好多時候，佢哋邀請嘅9成9都係做綜藝，但呢樣正正係伊健最弱項！佢接受唔到有鏡頭跟住瞓覺，根本唔鍾意！唔喜歡又點解要做？」還大爆每次接到綜藝邀約，伊健會認真問：「珊珊，我哋係咪好等錢使呀？」若得到珊珊「頂得住」的回應，他便會鬆一口氣：「頂得住就唔接啦！」而文雋亦表示曾有內地片商想重組《古惑仔》，以一日700萬片酬讓伊健做調酒師在酒吧拍攝，他都不為所動，直言伊健是個有自己想法的人，並非金錢可以打動。
