一直盛傳因合約問題而被TVB雪藏的炎明熹Gigi，近來工作量明顯減少，而且甚少公開露面。今晚（1/3）炎明熹以嘉賓身份現身主題樂園出席音樂劇活動，大會表明Gigi不接受傳媒訪問。雖然Gigi頭戴Cap帽，但仍難掩包包面，身形也明顯發福不少。
Gigi在音樂劇結束後在台下分享講話：「其實我知道今晚要講嘢，但就唔清楚要講乜嘢，咁所以我慢慢講先唔會咁甩咳。就係⋯記得啦，如果唔知要講乜嘅時候，有人教我講呢句『真係唔簡單』就可以解決好多問題。咁所以首先我想講嘅第一句就係好唔簡單，因為我知呢個舞台劇係花咗好多心思，同籌備咗好耐。同時亦都知喺生活上有好多嘢忙，忙返工，忙返學，忙自己嘢等等。但大家都嚟呢個舞台劇去追尋呢個夢想，一齊參加呢場嘅盛宴，望到頭先嘅畫面令我覺得好青春嘅感覺，令我非常難，同埋係好有火。希望大家都可以為自己嘅努力奮鬥，無論大家想做乜嘢都好，一定會好起來的，同埋大家一定可以做到，我深信。」
