無綫小花游嘉欣平時日操夜操，相當勤力，難怪身形一直保持都相當好，暫時未入劇組的她，即將會到外地拍攝節目。日前她專登請攝影師拍攝了一輯美照，相中的她穿着LACE晚裝裙，露出白滑美背，她接受東網獨家訪問時謂：「其實我自己本身係好鍾意影相，影呢啲相係希望留番將來留念，加上呢啲晚裝裙除咗平時公司大型活動外，真係好少機會着，我好想着吓呢啲衫，影多啲唔同風格嘅相，因為人生都冇幾多次着到呢啲晚禮服，就算將來結婚都係着幾套。」問到她想將來的婚禮是甚樣時，她謂：「我一定唔會喺香港搞，外地會好啲，我希望環境唯美、浪漫感啲，可能一大片海或沙灘，又或者係大草原咁，不過暫時結婚對我嚟講好似好長遠嘅事，所以冇諗太多。」
無綫小花游嘉欣平時日操夜操…
