剛剛離開TVB的江嘉敏（Kaman），第一項工作就是聯同HOY TV《健康關注組》的敖嘉年、吳雲甫 、麥詩敏、李婷婷、唐浩嘉及洪韻騏等人，前往旺角社區會堂派發福袋予老友記。
江嘉敏見散水餅流淚
江嘉敏首次拿起HOY TV咪牌，她分享道︰「真係好奇妙！喺舊公司9年，坦白講真係有啲唔捨得，尤其是一班同事，當啲散水餅運到我屋企，我一打開……我真係有落淚！」離巢後，Kaman表示有不同的工作邀請，當中以唱歌的工作較多，「其他類型嘅工作都想嘗試，我有好多嘢我都未試過，例如想做吓司儀，仲有舞台劇都想試吓演！」
該活動原本有歐倩怡（Cindy）參與，不過Cindy因為身體不適。同場的敖嘉年表示︰「每次老友記見到我哋都好開心，有啲人話有睇返我以前拍嘅劇，嘩！」吳雲甫插口：「敖嘉年真係好識𠱁班老友記，有位婆婆認到佢，佢竟然叫人妹妹！婆婆不知幾開心。」
