《新聞女王》熱播製造一股風潮，TVB創造出一個成功IP之餘亦火速添食。演員之一的王敏奕昨日（23/02）出席《看我今天怎麼說》放映會時，就透露已收到劇本，並即將開拍。
王敏奕在劇集《新聞女王》中飾演新聞記者劉艷，她受訪時就坦言角色有大改變。她說：「第一集已經好特別，大家睇完一定會好似我睇到劇本咁『嘩！』一定有驚喜。因為大家都抱住期望值去睇，所以一定唔可以令人失望。」她提到角色的轉變，是否會「黑化」時，她就賣了一個關子：「我個角色呢，會有一個大轉變，但係大家拭目以待啦，哈哈哈。（有幾大？）唔係人設上面轉變，但係我唔會講太多。」
