35歲龔嘉欣（Katy）入行16年來拍過唔少劇集，並憑住出色嘅演技深受觀眾。不過龔嘉欣嘅情路就十分崎嶇，多年來都一直未有喜訊傳出，令唔少到十分關心龔嘉幾時先有好消息公布繼去年大方認有了解中嘅對象後，日前（7日）龔嘉欣就突然在社交平台分享一段披上嫁衣嘅新片，令唔少網民及圈中好友都紛紛留言恭喜！
龔嘉欣日前突然在社交平台曬出一段身穿婚紗嘅新片，片中龔嘉欣與神秘男嘅舉動十分甜蜜，除咗有為龔嘉欣戴上戒指嘅片段外，更有唔少拖手及挨實對方胸膛嘅畫面！龔嘉欣更甜蜜配文：「謝謝你來到我的世界 WMXGHZYSQN 屬於我們的一個小故事 希望會為你帶來驚喜。」 龔嘉欣嘅婚紗片亦火速引來唔少人留言，就連黃翠如同楊秀惠都忍唔住留言：「我差啲誤會咗啊」、「請問可以寫恭喜恭喜嗎？」不過就竟獲龔嘉欣回覆：「還沒有啊親愛的」，為婚訊澄清。
對於龔嘉欣突襲發布婚紗片，唔少網民都對片中冇出樣嘅神秘男十分好奇。其實該名神秘男正係《聲夢傳奇》出身嘅Aska張馳豪，而sweet到爆嘅婚紗片，亦只係龔嘉欣為Aska擔任新歌MV女主角嘅宣傳。 不過Aska就對今次嘅宣傳落足心思，皆因佢特意與龔嘉欣分別在唔同嘅社交平台上載片段，而且片中嘅畫面亦大有不同，只得配文「謝謝你來過我的世界 I’m sorry… WMXGHZYSQN」能發現端倪，搞到唔少網民都誤以為龔嘉欣真係有好事宣布！
龔嘉欣演技雖備受肯定，2023年她出席活動時認有了解中的對象，坦言不排除閃婚做新娘，隨即被揭有日籍甜品大師男友，背後仲係好姊妹陳凱琳拉紅線！
龔嘉欣與陳凱琳呢對好姊妹每逢過時過節都會有慶祝活動，2023年初陳凱琳上載一班好友上門拜年的短片，當然唔少得好姊妹龔嘉欣與譚凱琪，不過片中最受關注的是一名紅衫男，因為他與龔嘉欣形影不離，而且態度親匿，大合照時龔嘉欣抱住友人的BB，紅衫男與她就像一對Couple，被指關係密切。不過緋聞傳足一年，龔嘉欣就曾經澄清真命天子尚未出現，表示對婚事並不着急。
文章版權為新傳媒集團所擁有，原文請按： 网页链接
