無綫小生丁子朗（丁丁）被力捧上位，銳意發展內地市場，近日於新開拍的陸劇內，孖住台灣型男霍建華合演師徒。丁丁大讚對方為人親切，又自爆家中有兩位霍建華鐵粉，會虛心跟他學習。
入行8年的丁丁一直獲得不少機會，除於無綫劇內孭重飛外，他更有機會染指內地劇壇。繼年前獲安排接拍陸劇《暗戀者的救贖》後，近日他「再下一城」，參演彭發執導的懸疑緝毒劇《搏憶》，劇中他將夥拍兩大男神霍建華及黃宗澤（Bosco）鬥戲，扮演霍建華徒弟。據悉今次其戲份頗多，日前開鏡禮流出照片，只見丁丁獲「重點推介」，難怪他自言非常緊張！
談到與霍建華有大量對手戲，丁丁笑說：「其實我媽咪同家姐都係佢粉絲，我有將呢個消息話畀佢知，覺得佢份人超Nice。（據悉趕戲，嚟緊農曆新年都未必有假放。）係呀！記得上年我都係喺內地偏遠地方，為《亞洲超星團》站台，今年要留守西雙版納，一樣咁『人傑地靈』，不過冇所謂啦，有時間咪健身囉，新年有工作好兆頭呀！」至於Bosco雖然未有現身開鏡禮，但亦已飛抵拍攝場地，開始與台前幕後磨合，望培養默契。
