87歲資深演員余慕蓮（魚毛）於2020年因患上肺纖維化於深切治療部留醫咗半年，幸好最終大步檻過。余慕蓮近年的身體狀況不復當年，經常出入醫院，早前她感染肺炎，更灰爆表示：「我覺得自己都未必過到今年。」近日余慕蓮出席資深傳媒人汪曼玲的生日壽宴，略施脂粉的余慕蓮笑容滿面，精神狀態非常之好。
資深傳媒人汪曼玲昨日（24日）在FB及IG出post，分享生日飯局的開心情況，她寫道：「24/12三隻兔仔再齊齊切蛋糕。今年在很難訂位的懷舊菜金碧酒家吃飯。雖然地方有點擠，但食物得到一致稱讚，性價比很高。酒微菜薄，不成敬意，大家吃得開心就好。」
照片可見，不少資深演員都有畀面出席汪曼玲的生日飯局，包括余慕蓮、姜大衛、李琳琳、葉童、李龍基、馬海倫、梁葆貞、吳麗珠、邵音音、周美鳳、黑妹（李麗霞）、Joe Junior等等，場面熱鬧。而余慕蓮約在兩星期前感染肺染，病情一度令人擔心。昨日（24日）身穿厚身橙黃色大褸的余慕蓮，化了淡妝，一臉精神奕奕現身老友生日聚會，她繑着壽星女的手臂合照，並向對方送上生日利是。當眾人影大合照時，余慕蓮眼仔碌碌瞪大雙眼，狀態明顯比兩星期前好。
余慕蓮曾經歷耳石困擾、血液炎、肺纖維化重病曾入住ICU，幸好跨過鬼門關，身體狀態時好時壞，她對生死已看得很淡，「咁我都唔驚嘅，我都80幾歲喇，係咪？所以我就要求米雪同大王幫我搵律師，寫定平安紙，因為我冇親人，我就將間屋呢……死咗先捐呀吓，唔係而家呀！我而家唔知我幾時死呀，我唔驚㗎！間屋就捐畀東華三院，咁我銀行仲有啲錢嘅，我好慳㗎！我以前做完《歡樂今宵》都唔捨得搭的士返屋企嘅，我行出廣播道搭巴士嘅，咁就儲埋啲錢啦！啲錢就睇邊個慈善機構需要，捐畀嗰啲慈善機構。」
