藝人張文慈（Pinky）近日獲邀返港工作，平安夜下午一口氣接拍了兩個廣告。她透露﹕「拍咗成人奶粉及阿膠廣告，兩個產品屬於同一個老闆嘅，佢真係年輕有為，得30幾歲咋，佢仲同我講以往有睇我嘅作品，遇到知音人呀。」今次Pinky出動私伙於廣告內亮相，其中一條桃紅色旗袍盡現其體態美，她透露﹕「其實呢件旗袍係以前我喺亞視嘅時候，著住嚟拍新年賀歲歌㗎，估唔到咁多年都仲著得落，証明我都keep到冇乜肥瘦啦。」
今次返港Pinky爭取時間陪家人外，聖誕節亦有相約教會閨密去慶祝﹕「真係好多年冇試過大時大節出尖沙咀嘞，青春同回憶都番晒嚟﹗」談到接下來的發展，她直言﹕「其實我都想中港兩邊走嘅，希望嚟緊香港多啲工作啦，如果有戲拍仲可以醫吓我嘅戲癮呀。」
