無綫劇集《異空感應》第二個單元個案正式落幕，在戲中飾演三子之母的吳沚默（Momo）角色大逆轉，一路都楚楚可憐的她，原來才是殺女兇手！
談到年僅34歲便要演媽咪，Momo不但不介意，而且還大呼好玩：「我真係第一次演有3個仔女嘅阿媽，之前最多都係懷孕，未試過生咗出嚟。其實做媽咪我係一啲問題都冇，我覺得呢個角色好有發揮。」對於被指劇中不少肢體語言都母愛滿溢，Momo笑言與星座有關：「可能因為我巨蟹座啦，如果相信星座嘅話，巨蟹係好有母性嘅，我喺屋企都好『媽咪』架，好囉嗦，會管番阿爸阿媽轉頭。」
在眾多場口中，Momo 於停屍期認領女兒屍體時的表現到位，完全演繹出作為母親的悲憤及無助，之後角色「現真身」，狂鬧母親、老公冇用，嘴臉亦十分衰格，正、反派都游刃有餘！
雖戲中與兩個「女兒」羅毓儀以及羅皓誼感情很差，但現實中，三人的感情相當不俗，更齊齊拍了一條跳舞片，組了一分鐘「限定女團」，搞笑勝於一切。
